Om ein plan for ei mellomnorsk ordbok - ordbok over skriftmålet i Noreg 1350-1550

Resumé

Norsk språk frå tida 1350-1550 ("mellomnorsk") er lite granska og ofte vanskeleg å skjøne pga. sterkt varierande ortografi, nyutviklingar og lån. Gammalnorsk ordboksverk ved Institutt for nordistikk og litteraturvitskap (Universitetet i Oslo) vil derfor lage ei ordbok over norsk skriftmål i denne perioden, basert på diplom, lovtekstar og jordebøker. Ein tenkjer seg ei stor, eittbands ordbok som dekkjer ordforrådet (utan å vere tesaurisk) og gjer greie for tilhøvet mellom grafem og fonem i kjeldene.